ہاتھ آیا آسماں تو زمیں کا نہیں رہا

ہاتھ آیا آسماں تو زمیں کا نہیں رہا

پھر یہ ہوا وہ شخص کہیں کا نہیں رہا

اب کے مہاجروں کا وہ ریلا تھا گاؤں میں

چھوٹا سا ایک مکاں بھی مکیں کا نہیں رہا

اپنے پڑوسیوں پہ مجھے اعتماد ہے

یہ وقت بھائیوں پہ یقین کا نہیں رہا

دیکھا تو سارے لوگ عبادت گزار تھے

پرکھا تو کوئی خلد بریں کا نہیں رہا

میں نے تمام عمر سخاوت میں کاٹ دی

میرے لبوں پہ حرف نہیں کا نہیں رہا

ظلمات زندگی میں بھٹکتے رہے ظفرؔ

جب ساتھ اک ستارہ جبیں کا نہیں رہا

hath aya asman to zamin ka nahin raha

phir ye hua wo shakhs kahin ka nahin raha

ab ke muhajiron ka wo rela tha gaon mein

chhota sa ek makan bhi makin ka nahin raha

apne parosiyon pe mujhe etimad hai

ye waqt bhaiyon pe yaqin ka nahin raha

dekha to sare log ibadat guzar the

parkha to koi khuld-e-barin ka nahin raha

main ne tamam umr sakhawat mein kat di

mere labon pe harf nahin ka nahin raha

zulmat zindagi mein bhatakte rahe zafar

jab sath ik sitara jabin ka nahin raha