پہن کر دست و پا میں آہنی زیور نکلتے ہیں

پہن کر دست و پا میں آہنی زیور نکلتے ہیں

ترے وحشی بہ سوئے دار بن ٹھن کر نکلتے ہیں

بغاوت کی ہوا جب بھی دکھاتی ہے اثر اپنا

تو پھر سنجیدہ لوگوں میں بھی کچھ خود سر نکلتے ہیں

کوئی مجھ کو یہ بتلائے کہ اجلے پیرہن والے

اندھیری رات کے عالم میں کیوں باہر نکلتے ہیں

جنہیں دعویٰ ہے گلشن میں گلوں کی پاسبانی کا

پس پردہ وہی پھولوں کے سودا گر نکلتے ہیں

ہم اس بستی کو فرزانوں کی بستی کہہ نہیں سکتے

یہاں تو اک ذرا سی بات پر خنجر نکلتے ہیں

زمانے میں ظفرؔ لوگوں کا اندازہ ہی مشکل ہے

جنہیں نازک بدن سمجھو وہی پتھر نکلتے ہیں

pahan kar dast-o-pa mein ahani zewar nikalte hain

tire wahshi ba su-e-dar ban than kar nikalte hain

baghawat ki hawa jab bhi dikhati hai asar apna

to phir sanjida logon mein bhi kuchh khud sar nikalte hain

koi mujh ko ye batlae ke ujle pairahan wale

andheri rat ke alam mein kyun bahar nikalte hain

jinhen daawa hai gulshan mein gulon ki pasbani ka

pas-e-parda wahi phulon ke sauda gar nikalte hain

ham is basti ko farzanon ki basti kah nahin sakte

yahan to ik zara si bat par khanjar nikalte hain

zamane mein zafar logon ka andaza hi mushkil hai

jinhen nazuk badan samjho wahi patthar nikalte hain