زہر ساعت ہی پئیں جسم تہ خاک تو ہو

زہر ساعت ہی پئیں جسم تہ خاک تو ہو

سرد آنکھوں میں کوئی خواہش ناپاک تو ہو

ہم بھی روشن ہوں اتاریں یہ گناہوں کا لباس

تو برستے ہوئے پانی کی طرح پاک تو ہو

منجمد خون رگوں کا ہے اسے پی جائیں

رات کا زخم سیہ رنگ جگر چاک تو ہو

جسم خاکی سے بھی تنویر کا رشتہ ہے ضرور

سرخ شعلوں سے لپٹ جا خس و خاشاک تو ہو

آج پھر ذہن کی شاخوں پہ ہیں شعلوں کے گلاب

چشم سنگ ان کو بھی دیکھے ذرا نمناک تو ہو

zahr saat hi piyen jism tah-e-khak to ho

sard ankhon mein koi khwahish-e-napak to ho

ham bhi raushan hun utaren ye gunahon ka libas

tu baraste hue pani ki tarah pak to ho

munjamid khun ragon ka hai use pi jaen

rat ka zakhm siyah rang-e-jigar chak to ho

jism-e-khaki se bhi tanwir ka rishta hai zarur

surkh sholon se lipat ja khas-o-khashak to ho

aj phir zehn ki shakhon pe hain sholon ke gulab

chashm-e-sang un ko bhi dekhe zara namnak to ho