اب جو اٹھیں گے تو کاندھوں پہ اٹھانا ہوگا

اب جو اٹھیں گے تو کاندھوں پہ اٹھانا ہوگا

بستر خاک پہ پھر ہم کو سلانا ہوگا

ہم سے اجڑے ہوئے لوگوں سے بھی مل کر دیکھو

درمیاں کوئی تو اک ربط پرانا ہوگا

آخری دھوپ ہیں آنکھوں میں بسا لو ورنہ

پھر کہاں خواب کسی شب کا سہانا ہوگا

جب ہو اثبات ہی خود اپنی نفی کا باعث

دل کو ہر قید تمنا سے چھڑانا ہوگا

تیری دنیا کی اذیت تو اٹھا لی یا رب

بوجھ عقبیٰ کا بھی کیا یوں ہی اٹھانا ہوگا

ab jo uthenge to kandhon pe uthana hoga

bistar-e-khak pe phir ham ko sulana hoga

ham se ujre hue logon se bhi mil kar dekho

darmiyan koi to ik rabt purana hoga

akhiri dhup hain ankhon mein basa lo warna

phir kahan khwab kisi shab ka suhana hoga

jab ho isbat hi khud apni nafi ka bais

dil ko har qaid-e-tamanna se chhurana hoga

teri duniya ki aziyyat to utha li ya rab

bojh uqba ka bhi kya yun hi uthana hoga