تمام شہر میں کوئی بھی روشناس نہ تھا

تمام شہر میں کوئی بھی روشناس نہ تھا

خطا یہی تھی کہ لہجہ پر التماس نہ تھا

پھر اس نے کس لیے رکھے ہوا پہ اپنے قدم

وہ گرد گرد تھا سوکھے لبوں کی پیاس نہ تھا

میں اپنے آپ لٹا آسماں کی خواہش سے

زمیں کا چہرہ مری نیند سے اداس نہ تھا

یہ کس نے آنکھ کو ننگا کیا ہے دریا میں

مہکتی ریت پہ کوئی بھی بے لباس نہ تھا

اداس ہو کے سجا کارنس کے پتھر پر

زمیں پہ ٹوٹ کے گرتا میں وہ گلاس نہ تھا

tamam shahr mein koi bhi rushanas na tha

khata yahi thi ke lahja par iltimas na tha

phir us ne kis liye rakhe hua pe apne qadam

wo gard gard tha sukhe labon ki pyas na tha

main apne ap luta asman ki khwahish se

zamin ka chehra miri nind se udas na tha

ye kis ne ankh ko nanga kiya hai dariya mein

mahakti ret pe koi bhi be libas na tha

udas ho ke saja karnas ke patthar par

zamin pe tut ke girta main wo gilas na tha