تشنگی میں کوئی قطرہ نہ میسر آیا

تشنگی میں کوئی قطرہ نہ میسر آیا

مر گئی پیاس تو حصے میں سمندر آیا

جتنے غواص تھے وہ تہہ سے نہ خالی لوٹے

جو شناور تھے انہیں ہاتھ نہ گوہر آیا

میری قسمت میں وہی شب وہی ظلمت کا گزر

صبح آئی نہ مرا مہر منور آیا

سر جھکایا تو مجھے روند گئی ہے دنیا

سر اٹھایا تو ہر اک سمت سے پتھر آیا

وہ تو خوش ہے کہ مجھے مار گرایا اس نے

مجھ کو غم ہے کہ مری پیٹھ پہ خنجر آیا

چند ہی روز میں اوقات کوئی بھول گیا

گاؤں میں شہر کی پوشاک پہن کر آیا

سو گیا تھک کے ہر اک بین بجانے والا

سانپ کوئی بھی مگر بل سے نہ باہر آیا

پیار کی راہ میں وہ دھوپ کی شدت تھی ظفرؔ

میں بھی غش کھا کے گرا ان کو بھی چکر آیا

tishnagi mein koi qatra na muyassar aya

mar gai pyas to hisse mein samundar aya

jitne ghawwas the wo tah se na khali laute

jo shanaor the unhen hath na gauhar aya

meri qismat mein wahi shab wahi zulmat ka guzar

subh ai na mira mehr-e-munawwar aya

sar jhukaya to mujhe raund gai hai duniya

sar uthaya to har ik samt se patthar aya

wo to khush hai ke mujhe mar giraya us ne

mujh ko gham hai ke miri pith pe khanjar aya

chand hi roz mein auqat koi bhul gaya

gaon mein shahr ki poshak pahan kar aya

so gaya thak ke har ik bain bajane wala

sanp koi bhi magar bal se na bahar aya

pyar ki rah mein wo dhup ki shiddat thi zafar

main bhi ghash kha ke gira un ko bhi chakkar aya