جس جگہ رہنا سمندر رہنا

جس جگہ رہنا سمندر رہنا

اور پیاسوں کو میسر رہنا

پاؤں چادر سے نہ باہر نکلے

اپنی اوقات کے اندر رہنا

گھر سے محروم نہ کر دے تم کو

یہ شب و روز کا باہر رہنا

اپنے پیروں پہ کھڑے ہو جاؤ

کب تلک بوجھ کسی پر رہنا

تم کو دعویٰ ہے دلیری کا اگر

ناتواں لوگ سے دب کر رہنا

سب کو ہوتی ہے نشیمن کی طلب

چاہتا کون ہے بے گھر رہنا

مجھ پہ آسیب ہے ناداری کا

تم مرے سائے سے بچ کر رہنا

یہ تو کانٹوں کا مقدر ہے ظفرؔ

پھول کے پاس برابر رہنا

jis jagah rahna samundar rahna

aur pyason ko muyassar rahna

paon chadar se na bahar nikle

apni auqat ke andar rahna

ghar se mahrum na kar de tum ko

ye shab-o-roz ka bahar rahna

apne pairon pe khare ho jao

kab talak bojh kisi par rahna

tum ko daawa hai dileri ka agar

natawan log se dab kar rahna

sab ko hoti hai nasheman ki talab

chahta kaun hai be ghar rahna

mujh pe aseb hai nadari ka

tum mire sae se bach kar rahna

ye to kanton ka muqaddar hai zafar

phul ke pas barabar rahna