تو مطمئن ہے تو آخر یہ حال کیسا ہے

تو مطمئن ہے تو آخر یہ حال کیسا ہے

زبان چپ ہے نظر میں سوال کیسا ہے

تمام شہر میں خوشیاں لٹانے نکلے تھے

تمہارے چہرے پہ رنگ ملال کیسا ہے

چلی گئی ہے مسرت تو مسکراہٹ کیوں

اتر چکی ہے ندی تو ابال کیسا ہے

یہاں سبھی کو سبھی سے عقیدتیں ہیں بہت

قدم قدم پہ یہ سازش کا جال کیسا ہے

کسی نے خون کی ہولی اگر نہیں کھیلی

تو ہر طرف یہ لہو کا گلال کیسا ہے

رفو گری کیا کرتے ہیں نوک خنجر سے

ہمارے زخم کا ان کو خیال کیسا ہے

قریب رہتا ہے کرتا نہیں ہے رم لیکن

پکڑ میں آتا نہیں وہ غزال کیسا ہے

ظفرؔ اسی کو عروج و زوال کہتے ہیں

جو سر بلند تھا وہ پائمال کیسا ہے

tu mutmain hai to akhir ye hal kaisa hai

zaban chup hai nazar mein sawal kaisa hai

tamam shahr mein khushiyan lutane nikle the

tumhare chehre pe rang-e-malal kaisa hai

chali gai hai masarrat to muskurahat kyun

utar chuki hai nadi to ubal kaisa hai

yahan sabhi ko sabhi se aqidaten hain bahut

qadam qadam pe ye sazish ka jal kaisa hai

kisi ne khun ki holi agar nahin kheli

to har taraf ye lahu ka gulal kaisa hai

rafu giri kiya karte hain nok-e-khanjar se

hamare zakhm ka un ko khayal kaisa hai

qarib rahta hai karta nahin hai ram lekin

pakar mein ata nahin wo ghazal kaisa hai

zafar usi ko uruj-o-zawal kahte hain

jo sar buland tha wo paimal kaisa hai