رہے دل کی دل میں زباں تک نہ پہنچے

رہے دل کی دل میں زباں تک نہ پہنچے

مرا غم حدود بیاں تک نہ پہنچے

یہ ہستی نہ ہو بے خودی رفتہ رفتہ

کہیں خواب خواب گراں تک نہ پہنچے

ترا مرتبہ اے زمیں اللہ اللہ

تری گرد کو آسماں تک نہ پہنچے

دیا تو مری آرزو کا جلے اور

اجالا کسی کے مکاں تک نہ پہنچے

یہی اب ہے بہتر کہ چپ سادھ لیجے

کوئی بات پھر داستاں تک نہ پہنچے

نہ چھیڑیں وہ تار رگ جاں سعادتؔ

کہیں نغمۂ دل فغاں تک نہ پہنچے

rahe dil ki dil mein zaban tak na pahunche

mira gham hudud-e-bayan tak na pahunche

ye hasti na ho be khudi rafta rafta

kahin khwab khwab-e-giran tak na pahunche

tira martaba ai zamin allah allah

tiri gard ko asman tak na pahunche

diya to miri arzu ka jale aur

ujala kisi ke makan tak na pahunche

yahi ab hai behtar ke chup sadh lije

koi bat phir dastan tak na pahunche

na chheren wo tar-e-rag-e-jan saadat

kahin naghma-e-dil fughan tak na pahunche