غم خوشی حسرت ہوس امید و یاس

غم خوشی حسرت ہوس امید و یاس

زندگی ہنگامۂ جذبات ہے

کوئی دل کو اپنے کس کس سے بچائے

ہر ادا اس شوخ کی اک گھات ہے

ترک الفت اور ہم آشفتہ سر

شیخ صاحب واہ وا کیا بات ہے

بڑھ گیا کچھ اور بھی جوش جنوں

چاندنی ہے یا تمہاری گھات ہے

حسن کی ہر بات اک افسانہ ہے

عشق کا افسانہ بھی اک بات ہے

پھر بھڑک اٹھی ہمارے دل کی آگ

پھر وہی ہم ہیں وہی برسات ہے

آپ کی ہر بات میں ہے ایک بات

اے سعادتؔ اپ کی کیا بات ہے

gham khushi hasrat hawas ummid-o-yas

zindagi hangama-e-jazbat hai

koi dil ko apne kis kis se bachae

har ada us shokh ki ik ghat hai

tark-e-ulfat aur ham ashufta sar

shaikh sahab wah wa kya bat hai

barh gaya kuchh aur bhi josh-e-junun

chandni hai ya tumhari ghat hai

husn ki har bat ik afsana hai

ishq ka afsana bhi ik bat hai

phir bharak uthi hamare dil ki ag

phir wahi ham hain wahi barsat hai

ap ki har bat mein hai ek bat

ai saadat ap ki kya bat hai