مسائل یہ بھی حل کر دیکھتا ہوں

مسائل یہ بھی حل کر دیکھتا ہوں

کبھی خود سے نکل کر دیکھتا ہوں

مرے دل تک کوئی آتا نہیں کیوں

چلو چہرہ بدل کر دیکھتا ہوں

کبھی گر خواب میں دیکھوں تجھے میں

تو بستر سے اچھل کر دیکھتا ہوں

سنا اک آگ سی تجھ میں ہے تو پھر

کیا یہ طے کی جل کر دیکھتا ہوں

تمہارے ساتھ کب تک چل سکوں گا

چلو کچھ دیر چل کر دیکھتا ہوں

masail ye bhi hal kar dekhta hun

kabhi khud se nikal kar dekhta hun

mire dil tak koi ata nahin kyun

chalo chehra badal kar dekhta hun

kabhi gar khwab mein dekhun tujhe main

tu bistar se uchhal kar dekhta hun

suna ik ag si tujh mein hai to phir

kiya ye tai ki jal kar dekhta hun

tumhare sath kab tak chal sakunga

chalo kuchh der chal kar dekhta hun