Arooz is now on the App Store, for iPhone and iPad. Download →

All poetry

کچھ ایسا بھی نہیں میرا اکیلے دل نہیں لگتا

Raaz Dehalvi (b. 1983)

کچھ ایسا بھی نہیں میرا اکیلے دل نہیں لگتا

کوئی جب ساتھ ہوتا ہے سفر مشکل نہیں لگتا

تمہارے ساتھ ہونے کا ملا یہ فائدہ مجھ کو

تمہارے ساتھ ہوتا ہوں تو میں جاہل نہیں لگتا

خدا کی بات کرتا ہے بنا ذکر محبت کے

تو واعظ ہو گیا ہے پر ابھی فاضل نہیں لگتا

تمہاری مسکراہٹ کے لیے جینا ضروری ہے

وگرنہ یہ جہاں تو جینے کے قابل نہیں لگتا

ندی کے دو کناروں کی طرح ہم ساتھ تو ہیں پر

کبھی ساحل کے سینہ سے اجی ساحل نہیں لگتا