زمانے ہو گئے امیدوار ہیں ہم لوگ

زمانے ہو گئے امیدوار ہیں ہم لوگ

ستم کشان غم روزگار ہیں ہم لوگ

جنون کام نہ آیا کہ سارے خواب و خیال

الجھ کے رہ گئے جن سے وہ خار ہیں ہم لوگ

جسے تجسس صبر گریز پا کہئے

اسی خلش اسی غم کا شکار ہیں ہم لوگ

شراب تجربۂ تلخ پی چکے ہیں ہم

سنبھل گئے ہیں بہت ہوشیار ہیں ہم لوگ

نہ جانے کب کہاں لے جائے کب کہاں رک جائے

یہ رخش عمر کہ جس پر سوار ہیں ہم لوگ

قسم تسلسل لیل و نہار کی یکتاؔ

ستم کشان غم انتظار ہیں ہم لوگ

zamane ho gae umidwar hain ham log

sitam kashin-e-gham rozgar hain ham log

junun-e-kam na aya ke sare khwab-o-khayal

ulajh ke rah gae jin se wo khar hain ham log

jise tajassus sabr-e-gurez pa kahiye

isi khalish isi gham ka shikar hain ham log

sharab tajriba-e-talkh pi chuke hain ham

sambhal gae hain bahut hoshyar hain ham log

na jane kab kahan le jae kab kahan ruk jae

ye rakhsh-e-umr ke jis par sawar hain ham log

qasam tasalsul lail-o-nahar ki yakta

sitam kashin-e-gham intizar hain ham log