مناتے رہیے ماتم زندگی کا

مناتے رہیے ماتم زندگی کا

نیا انداز ہے یہ خودکشی کا

کبھی تھاما تھا دامن شاعری کا

وہی اب بن گیا جنجال جی کا

یہاں چرچا بہت ہے روشنی کا

اجالا ہے مگر کچھ پھیکا پھیکا

بھٹکتے پھر رہے ہیں کتنے مصرعے

کسی سے ربط تو بیٹھے کسی کا

یہ کیسا دور آیا اٹھ گیا ہے

بھروسہ آدمی سے آدمی کا

manate rahiye matam zindagi ka

naya andaz hai ye khudkushi ka

kabhi thama tha daman shayari ka

wahi ab ban gaya janjal ji ka

yahan charcha bahut hai raushni ka

ujala hai magar kuchh phika phika

bhatakte phir rahe hain kitne misre

kisi se rabt to baithe kisi ka

ye kaisa dur aya uth gaya hai

bharosa admi se admi ka