ہم رند خرابات کو اچھا نہ برا یاد

ہم رند خرابات کو اچھا نہ برا یاد

ساقی کا کہا یاد نہ واعظ کا کہا یاد

پھر چھیڑ گئی باد صبا شاخ سمن کو

پھر آ گئی ان کی کوئی مخصوص ادا یاد

جب پہلا قدم جادۂ منزل پہ رکھا تھا

وہ عزم سفر یاد ہے وہ لغزش پا یاد

اے ذوق طلب آ کے مری راہ بری کر

ہے کس کا تجسس مجھے یہ بھی نہ رہا یاد

یہ کفر محبت ہے کہ ایمان محبت

کرتا ہوں تمہیں یاد تو آتا ہے خدا یاد

ham rind-e-kharabat ko achchha na bura yad

saqi ka kaha yad na waiz ka kaha yad

phir chher gai bad-e-saba shakh-e-saman ko

phir a gai un ki koi makhsus ada yad

jab pahla qadam jada-e-manzil pe rakha tha

wo azm-e-safar yad hai wo laghzish-e-pa yad

ai zauq-e-talab a ke miri rah buri kar

hai kis ka tajassus mujhe ye bhi na raha yad

ye kufr-e-mohabbat hai ke iman-e-mohabbat

karta hun tumhen yad to ata hai khuda yad