زندگی کی راہوں میں تم ہو جلوہ گر تنہا

زندگی کی راہوں میں تم ہو جلوہ گر تنہا

ظلمتیں ہیں ہر جانب شمع رہ گزر تنہا

شمع کی طرح ہم نے جل کے تا سحر تنہا

زیست کے اندھیروں میں طے کیا سفر تنہا

دن گزار دیتا ہوں ہنس کے بزم رنداں میں

زندگی پہ روتا ہوں شب کو جاگ کر تنہا

ساتھ سب نبھاتے ہیں راہ میں مسرت کی

طے سبھی کو کرنی ہے غم کی رہ گزر تنہا

کس قدر پریشاں ہیں اہل عشق دنیا میں

مجھ پہ رشک کرتے ہیں مجھ کو دیکھ کر تنہا

راز عشق دنیا میں کب کسی نے سمجھا ہے

ایک تم نہیں یکتاؔ اس سے بے خبر تنہا

zindagi ki rahon mein tum ho jalwa gar tanha

zulmaten hain har janib sham-e-rah guzar tanha

shama ki tarah ham ne jal ke ta sahar tanha

zist ke andheron mein tai kiya safar tanha

din guzar deta hun hans ke bazm-e-rindan mein

zindagi pe rota hun shab ko jag kar tanha

sath sab nibhate hain rah mein masarrat ki

tai sabhi ko karni hai gham ki rah guzar tanha

kis qadar pareshan hain ahl-e-ishq duniya mein

mujh pe rashk karte hain mujh ko dekh kar tanha

raz-e-ishq duniya mein kab kisi ne samjha hai

ek tum nahin yakta us se be khabar tanha