وہی سب سے مقدس مدعا ہے

وہی سب سے مقدس مدعا ہے

جو اب تک ان کہا ہے ان سنا ہے

جو میرا ہے وہی اس کا خدا ہے

وہ اتنا بھی نہیں پہچانتا ہے

مری خاموشیوں میں التجا ہے

سماعت اور سخن میں کیا رکھا ہے

وہ کچھ ایسا ہنر بھی جانتا ہے

کہ دنیا کی نظر میں پارسا ہے

یہ دل کا درد سچ مچ لا دوا ہے

اسداللہ غالبؔ نے کہا ہے

خیالوں کا اک ایسا دائرہ ہے

جہاں پر ابتدا ہی ابتدا ہے

وہ ویسے تو بہت نادان سا ہے

محبت کی نظر پہچانتا ہے

کبھی ہم کو میسر ہو نہ پائی

خوشی ہوتی تو ہے ہم نے سنا ہے

اندھیروں سے کہو ماتم منائیں

کہیں کوئی دیا روشن ہوا ہے

wahi sab se muqaddas muddaa hai

jo ab tak an kaha hai an suna hai

jo mera hai wahi us ka khuda hai

wo itna bhi nahin pahchanta hai

miri khamoshiyon mein iltija hai

samaat aur sukhan mein kya rakha hai

wo kuchh aisa hunar bhi janta hai

ke duniya ki nazar mein parsa hai

ye dil ka dard sach much la dawa hai

asadalla ghalib ne kaha hai

khayalon ka ik aisa daira hai

jahan par ibtida hi ibtida hai

wo waise to bahut nadan sa hai

mohabbat ki nazar pahchanta hai

kabhi ham ko muyassar ho na pai

khushi hoti to hai ham ne suna hai

andheron se kaho matam manaen

kahin koi diya raushan hua hai