بے زباں بھی تھا با زبان بھی تھا

بے زباں بھی تھا با زبان بھی تھا

کچھ خموشی تھی کچھ بیان بھی تھا

کچھ اندھیروں کی آزمائش تھی

کچھ اجالوں کا امتحان بھی تھا

کچھ فسانے کی خوبیاں بھی تھیں

کچھ شگفتہ مرا بیان بھی تھا

کچھ نگاہوں میں تھا بیاباں بھی

کچھ تصور میں گلستان بھی تھا

راہبر کی بھی کچھ عنایت تھی

اس طرف کچھ مرا رجحان بھی تھا

ایسا لگتا ہے اس کے لہجے میں

کچھ یقیں بھی تھا کچھ گمان بھی تھا

وہ جو منکر بھی تھا عقیدے کا

اس عقیدے کا ترجمان بھی تھا

جو زباں تک نہ آ سکا جملہ

ہاں وہی حاصل بیان بھی تھا