بے زباں بھی تھا با زبان بھی تھا

بے زباں بھی تھا با زبان بھی تھا

کچھ خموشی تھی کچھ بیان بھی تھا

کچھ اندھیروں کی آزمائش تھی

کچھ اجالوں کا امتحان بھی تھا

کچھ فسانے کی خوبیاں بھی تھیں

کچھ شگفتہ مرا بیان بھی تھا

کچھ نگاہوں میں تھا بیاباں بھی

کچھ تصور میں گلستان بھی تھا

راہبر کی بھی کچھ عنایت تھی

اس طرف کچھ مرا رجحان بھی تھا

ایسا لگتا ہے اس کے لہجے میں

کچھ یقیں بھی تھا کچھ گمان بھی تھا

وہ جو منکر بھی تھا عقیدے کا

اس عقیدے کا ترجمان بھی تھا

جو زباں تک نہ آ سکا جملہ

ہاں وہی حاصل بیان بھی تھا

be zaban bhi tha ba zaban bhi tha

kuchh khamoshi thi kuchh bayan bhi tha

kuchh andheron ki azmaish thi

kuchh ujalon ka imtihan bhi tha

kuchh fasane ki khubiyan bhi thin

kuchh shagufta mira bayan bhi tha

kuchh nigahon mein tha bayaban bhi

kuchh tasawwur mein gulistan bhi tha

rahbar ki bhi kuchh inayat thi

is taraf kuchh mira rujhan bhi tha

aisa lagta hai us ke lahje mein

kuchh yaqin bhi tha kuchh guman bhi tha

wo jo munkir bhi tha aqide ka

is aqide ka tarjuman bhi tha

jo zaban tak na a saka jumla

han wahi hasil-e-bayan bhi tha