چشم و دل صاحب گفتار ہوئے جاتے ہیں

چشم و دل صاحب گفتار ہوئے جاتے ہیں

راستے عقل کو دشوار ہوئے جاتے ہیں

ہجر دیرینہ سے اب خوش تھے بہت میں اور وہ

اب مگر فاصلے بیزار ہوئے جاتے ہیں

وہ نگاہیں ہیں مغنی کی تھرکتی پوریں

ساز سوئے ہوئے بیدار ہوئے جاتے ہیں

شعر گوئی ترا منصب تو نہیں طفل سخن

ہاں مگر ہجر میں دو چار ہوئے جاتے ہیں

نسبت ابجد کردار نہ تھی جن کو نعیمؔ

صاحب عظمت کردار ہوئے جاتے ہیں

chashm-o-dil sahab-e-guftar hue jate hain

raste aql ko dushwar hue jate hain

hijr-e-derina se ab khush the bahut mein aur wo

ab magar fasle bezar hue jate hain

wo nigahen hain mughanni ki thirakti poren

saz soe hue bedar hue jate hain

sher goi tira mansab to nahin tifl-e-sukhan

han magar hijr mein do char hue jate hain

nisbat-e-abjad-e-kirdar na thi jin ko naim

sahab-e-azmat kirdar hue jate hain