جفائے عہد کا الزام الٹ بھی سکتا ہوں

جفائے عہد کا الزام الٹ بھی سکتا ہوں

اسے یقین نہ تھا میں پلٹ بھی سکتا ہوں

میں اپنے عشق میں شاہیں مزاج رکھتا ہوں

پلٹ تو جاتا ہوں لیکن جھپٹ بھی سکتا ہوں

جنوں میں ظلم کی گردن اتار لیتا ہوں

تو اک نگاہ محبت میں کٹ بھی سکتا ہوں

عدوئے شہر میں بارود ہوں محبت کا

حدوں سے بات بڑھے گی تو پھٹ بھی سکتا ہوں

بساط ارض پہ چاہوں تو پھیل جاؤں میں

ہو رمز یار تو دل میں سمٹ بھی سکتا ہوں

jafa-e-ahd ka ilzam ulat bhi sakta hun

use yaqin na tha main palat bhi sakta hun

main apne ishq mein shahin mizaj rakhta hun

palat to jata hun lekin jhapat bhi sakta hun

junun mein zulm ki gardan utar leta hun

to ik nigah-e-mohabbat mein kat bhi sakta hun

adu-e-shahr mein barud hun mohabbat ka

hadon se bat barhegi to phat bhi sakta hun

bisat-e-arz pe chahun to phail jaun main

ho ramz-e-yar to dil mein simat bhi sakta hun