غیر کے گھر سہی وہ آیا تو

غیر کے گھر سہی وہ آیا تو

غم ہی میرے لئے وہ لایا تو

دشمنوں کو معاف کر ڈالا

دوستوں سے فریب کھایا تو

پیڑ کے گھونسلوں کا کیا ہوگا

گھر اسے کاٹ کر بنایا تو

پھر مرے سامنے تھی اک دیوار

ایک دیوار کو گرایا تو

کس قدر زور سے ہوئی بارش

میں نے کاغذ کا گھر بنایا تو

کیا کرو گے نعیمؔ سال نو

پیش رو کی طرح ہی آیا تو

ghair ke ghar sahi wo aya to

gham hi mere liye wo laya to

dushmanon ko muaf kar dala

doston se fareb khaya to

per ke ghonslon ka kya hoga

ghar use kat kar banaya to

phir mire samne thi ik diwar

ek diwar ko giraya to

kis qadar zor se hui barish

main ne kaghaz ka ghar banaya to

kya karoge naim sal-e-nau

pesh ro ki tarah hi aya to