جو اس آنکھ سے نکلا ہوگا

جو اس آنکھ سے نکلا ہوگا

آنسو میرے جیسا ہوگا

اس کی یاد میں کھو کر خود کو

ریزہ ریزہ چنتا ہوگا

دل کے تہہ خانے میں کوئی

سیڑھی سیڑھی اترا ہوگا

شام ڈھلے اک ہوک سنی ہے

یاد کا پنچھی لوٹا ہوگا

دل کی اجڑی کھیتی میں بھی

خواب سہانے بوتا ہوگا

آؤ میخانے میں ڈھونڈیں

کوئی تو ہم جیسا ہوگا

jo is ankh se nikla hoga

ansu mere jaisa hoga

us ki yad mein kho kar khud ko

reza reza chunta hoga

dil ke tah khane mein koi

sirhi sirhi utra hoga

sham dhale ik huk suni hai

yad ka panchhi lauta hoga

dil ki ujri kheti mein bhi

khwab suhane bota hoga

ao maikhane mein dhunden

koi to ham jaisa hoga