مرے ہی دل کو اپنا گھر سمجھنا

مرے ہی دل کو اپنا گھر سمجھنا

اسے تم تاج سے بہتر سمجھنا

نہ کرنا خیر خواہی تم کسی کی

جو بہتر ہو اسے بہتر سمجھنا

نہ اترانا کبھی شہرت پہ اپنی

سدا اپنے کو تم احقر سمجھنا

اڑا دے آدمی کو جو بموں سے

اسے چنگیز کا لشکر سمجھنا

ہے دھوکا دینا اپنے آپ کو بس

کسی انسان کو بے پر سمجھنا

بہت نقصان دہ ہوگا وہ ثابت

چمکتی ریت کو منظر سمجھنا

شب غم میں ستاروں کو اے عبرتؔ

سکوں پرور نہیں اخگر سمجھنا

mire hi dil ko apna ghar samajhna

use tum taj se behtar samajhna

na karna khair khwahi tum kisi ki

jo behtar ho use behtar samajhna

na itrana kabhi shohrat pe apni

sada apne ko tum ahqar samajhna

ura de admi ko jo bamon se

use changez ka lashkar samajhna

hai dhoka dena apne ap ko bas

kisi insan ko be par samajhna

bahut nuqsan da hoga wo sabit

chamakti ret ko manzar samajhna

shab-e-gham mein sitaron ko ai ibrat

sukun parwar nahin akhgar samajhna