Arooz is now on the App Store, for iPhone and iPad. Download →

All poetry

چاہے صحرا میں چاہے گھر رہنا

Ibrat Bahraichi (1933–2021)

چاہے صحرا میں چاہے گھر رہنا

زندگی سے قریب تر رہنا

جس کے گھر جانا مہماں بن کر

اس کے گھر یار مختصر رہنا

چاہتے ہو اگر ملے شہرت

روز کی تازہ اک خبر رہنا

یہ منافی ہے آدمیت کے

بے خبر اور خود نگر رہنا

آنچ آنے نہ پائے عزت پر

تم گہر ہو سدا گہر رہنا

کارناموں سے اپنے اے ہمدم

تم امر ہو تو پھر امر رہنا

یہ گزارش ہے تم سے اے عبرتؔ

عمر بھر میرے ہم سفر رہنا