خیال بد سے ہمہ وقت اجتناب کرو

خیال بد سے ہمہ وقت اجتناب کرو

فضائے شہر کو دانستہ مت خراب کرو

جہاں میں آئے ہو دو دن کی زندگی لے کر

ہر اک محاذ پہ تم اس کو کامیاب کرو

تمام شہر ہے ڈوبا ہوا اندھیرے میں

تم اپنے چاند سے چہرے کو بے نقاب کرو

ادھر خلوص ادھر بغض اور نفرت ہے

عزیز کیا ہے تمہیں اس کا انتخاب کرو

جو تم نے مجھ کو دیا اور میں نے تم کو دیا

تم اس کا بیٹھ کے چوپال میں حساب کرو

حجاب عظمت انسانیت کا ضامن ہے

رہو کہیں بھی پہ پابندئ حجاب کرو

اگر وطن سے محبت ہے تم کو اے عبرتؔ

تو پیدا عزم سے تم سبز انقلاب کرو

khayal bad se hama waqt ijtinab karo

faza-e-shahr ko danista mat kharab karo

jahan mein ae ho do din ki zindagi le kar

har ik mahaz pe tum us ko kamyab karo

tamam shahr hai duba hua andhere mein

tum apne chand se chehre ko be naqab karo

idhar khulus idhar bughz aur nafrat hai

aziz kya hai tumhen us ka intikhab karo

jo tum ne mujh ko diya aur main ne tum ko diya

tum us ka baith ke chaupal mein hisab karo

hijab azmat insaniyat ka zamin hai

raho kahin bhi pe pabandi-e-hijab karo

agar watan se mohabbat hai tum ko ai ibrat

tu paida azm se tum sabz inqilab karo