تم سا گر راہ بر نہیں ہوتا

تم سا گر راہ بر نہیں ہوتا

کوئی بھی راہ پر نہیں ہوتا

راستے بھی فریب دیتے ہیں

جب کوئی ہم سفر نہیں ہوتا

اس کی یادیں جو ہم سفر ہوتیں

تو سفر طول تر نہیں ہوتا

اپنے سائے سے جو نہ ہو محروم

ایسا کوئی شجر نہیں ہوتا

ہاں میں اس کی اگر ملاتا ہاں

دار پہ میرا سر نہیں ہوتا

میں نکلتا ہوں جب سفر کے لئے

گھر میں رخت سفر نہیں ہوتا

لاکھ کرتا ہوں کوششیں عبرتؔ

غم مگر مختصر نہیں ہوتا

tum sa gar rah bar nahin hota

koi bhi rah par nahin hota

raste bhi fareb dete hain

jab koi ham safar nahin hota

us ki yaden jo ham safar hotin

tu safar tul-e-tar nahin hota

apne sae se jo na ho mahrum

aisa koi shajar nahin hota

han main us ki agar milata han

dar pe mera sar nahin hota

main nikalta hun jab safar ke liye

ghar mein rakht-e-safar nahin hota

lakh karta hun koshishen ibrat

gham magar mukhtasar nahin hota