انس تو ہوتا ہے دیوانے سے دیوانے کو

انس تو ہوتا ہے دیوانے سے دیوانے کو

کوئی اپنا کے دکھائے کبھی انجانے کو

خودکشی جیسا کوئی جرم نہیں دنیا میں

کوئی بتلاتا نہیں جا کے یہ پروانے کو

ساقیٔ وقت نے جب چھین لی ہاتھوں سے شراب

میں نے ٹکرا دیا پیمانے سے پیمانے کو

خاک زادہ نہیں پیدا ہوا ایسا کوئی

جو حقیقت میں بدل دے مرے افسانے کو

ابرہہ جیسا اگر ہو گیا پیدا کوئی

کیا بچا پائیں گے ہم اپنے خدا خانے کو

ایک مفسد کی یہ پھیلائی ہوئی ہے افواہ

رات بھر شمع سے نفرت رہی پروانے کو

uns to hota hai diwane se diwane ko

koi apna ke dikhae kabhi anjane ko

khudkushi jaisa koi jurm nahin duniya mein

koi batlata nahin ja ke ye parwane ko

saqi-e-waqt ne jab chhin li hathon se sharab

main ne takra diya paimane se paimane ko

khak zada nahin paida hua aisa koi

jo haqiqat mein badal de mire afsane ko

abraha jaisa agar ho gaya paida koi

kya bacha paenge ham apne khuda khane ko

ek mufsid ki ye phailai hui hai afwah

rat bhar shama se nafrat rahi parwane ko