بے ضمیروں کے کبھی جھانسے میں میں آتا نہیں

بے ضمیروں کے کبھی جھانسے میں میں آتا نہیں

مشکلوں کی بھیڑ سے ہرگز میں گھبراتا نہیں

مجھ سے اب اپنی زباں سے کچھ کہا جاتا نہیں

جرم کر کے بھی کوئی مجرم سزا پاتا نہیں

میری خودداری سدا کرتی ہے میری رہبری

میں کبھی پتھر سے اپنے سر کو ٹکراتا نہیں

حق شناسی میرا مسلک حق پرستی میرا کام

میں کھلونوں سے کبھی دل اپنا بہلاتا نہیں

پیڑ جو دیتا ہے سایہ دھوپ میں رہتا ہے وہ

روشنی دیتا ہے جو وہ روشنی پاتا نہیں

آدمی کے پاس خود ذاتی مسائل ہیں بہت

دوسروں کے اب مسائل کوئی سلجھاتا نہیں

آرزوؤں کے چراغوں کو بجھا بیٹھا ہوں میں

کوئی انساں آ کے میرے دل کو بہلاتا نہیں

be zamiron ke kabhi jhanse mein main ata nahin

mushkilon ki bhir se hargiz mein ghabrata nahin

mujh se ab apni zaban se kuchh kaha jata nahin

jurm kar ke bhi koi mujrim saza pata nahin

meri khuddari sada karti hai meri rahbari

main kabhi patthar se apne sar ko takrata nahin

haq shanasi mera maslak haq parasti mera kam

main khilaunon se kabhi dil apna bahlata nahin

per jo deta hai saya dhup mein rahta hai wo

raushni deta hai jo wo raushni pata nahin

admi ke pas khud zati masail hain bahut

dusron ke ab masail koi sulajhita nahin

arzuon ke charaghon ko bujha baitha hun main

koi insan a ke mere dil ko bahlata nahin