رابطہ رکھ تیرگی سے روشنی کو چھوڑ دے
Qamar Anjum (b. 1971)رابطہ رکھ تیرگی سے روشنی کو چھوڑ دے
جو اذیت ناک ہو ایسی خوشی کو چھوڑ دے
جانتے سب ہیں کہ اس کے بعد ہے دور خزاں
کیوں نہ دامان بہار زندگی کو چھوڑ دے
وقت اپنے آپ میں اک فتنۂ بیدار ہے
وقت کے کہنے پہ کوئی کیوں کسی کو چھوڑ دے
اس سے پہلے تجھ کو نظروں سے گرا دے یہ جہاں
مان لے کہنا خدارا بے حسی کو چھوڑ دے
وقت پر انجمؔ نہ تیرے کام آئے گا کوئی
دوستوں سے پھیر لے منہ دوستی کو چھوڑ دے
rabta rakh tirgi se raushni ko chhor de
jo aziyyat nak ho aisi khushi ko chhor de
jante sab hain ke is ke baad hai daur-e-khizan
kyun na daman-e-bahar-e-zindagi ko chhor de
waqt apne ap mein ik fitna-e-bedar hai
waqt ke kahne pe koi kyun kisi ko chhor de
is se pahle tujh ko nazron se gira de ye jahan
man le kahna khudara be hissi ko chhor de
waqt par anjum na tere kam aega koi
doston se pher le munh dosti ko chhor de