وہ جان انتظار آئے نہ آئے

وہ جان انتظار آئے نہ آئے

مرے دل کو قرار آئے نہ آئے

یقیں ہے آئے گا دور مسرت

کسی کو اعتبار آئے نہ آئے

خزاں کا دور تو ہو جائے رخصت

گلستاں میں بہار آئے نہ آئے

کسے معلوم کب وہ روٹھ جائیں

محبت سازگار آئے نہ آئے

بلایا اس نے ہے تو جاؤں گا میں

یہ موقع بار بار آئے نہ آئے

wo jan-e-intizar ae na ae

mire dil ko qarar ae na ae

yaqin hai aega daur-e-masarrat

kisi ko etibar ae na ae

khizan ka daur to ho jae rukhsat

gulistan mein bahar ae na ae

kise maalum kab wo ruth jaen

mohabbat sazgar ae na ae

bulaya us ne hai to jaunga mein

ye mauqaa bar bar ae na ae