شام وعدہ ہے اگر اب بھی نہ وہ آئے تو پھر

شام وعدہ ہے اگر اب بھی نہ وہ آئے تو پھر

اور اس غم میں جو دھڑکن دل کی رک جائے تو پھر

جس سے تم دامن کشاں ہو زندگی کی راہ میں

روح کی گہرائیوں میں وہ اتر جائے تو پھر

تجھ کو ہے جس کی وفاؤں پر نہایت اعتماد

ریزہ ریزہ کر کے وہ تجھ کو بکھر جائے تو پھر

امن کا پرچم لئے پھرتے ہو سارے شہر میں

اور ننگ آدمیت تم ہی کہلائے تو پھر

لکڑیوں کے گھر میں مٹی کا دیا اچھا نہیں

روشنی کے بدلے اس میں آگ لگ جائے تو پھر

sham-e-waada hai agar ab bhi na wo ae to phir

aur is gham mein jo dharkan dil ki ruk jae to phir

jis se tum daman kashan ho zindagi ki rah mein

ruh ki gahraiyon mein wo utar jae to phir

tujh ko hai jis ki wafaon par nihayat etimad

reza reza kar ke wo tujh ko bikhar jae to phir

amn ka parcham liye phirte ho sare shahr mein

aur nang-e-admiyyat tum hi kahlae to phir

lakriyon ke ghar mein mitti ka diya achchha nahin

raushni ke badle is mein ag lag jae to phir