جذبۂ عشق کا اظہار نہ ہونے پائے

جذبۂ عشق کا اظہار نہ ہونے پائے

حسن رسوا سر بازار نہ ہونے پائے

مدتوں محفل ساقی میں رہے ہیں لیکن

جام چھونے کے گنہ گار نہ ہونے پائے

بزم احباب میں آیا ہوں مگر ڈر یہ ہے

کوئی فتنہ پس دیوار نہ ہونے پائے

آؤ تعمیر کریں ایسا محبت کا مکان

وقت کے ہاتھوں جو مسمار نہ ہونے پائے

جن کے سینوں میں محبت کی کرن تھی انجمؔ

خواہشوں میں وہ گرفتار نہ ہونے پائے

jazba-e-ishq ka izhar na hone pae

husn ruswa sar-e-bazar na hone pae

muddaton mahfil saqi mein rahe hain lekin

jam chhune ke gunah gar na hone pae

bazm-e-ahbab mein aya hun magar dar ye hai

koi fitna pas-e-diwar na hone pae

ao taamir karen aisa mohabbat ka makan

waqt ke hathon jo mismar na hone pae

jin ke sinon mein mohabbat ki kiran thi anjum

khwahishon mein wo giraftar na hone pae