مرے خدا نہ مجھے ذوق خود نمائی دے
Qamar Anjum (b. 1971)مرے خدا نہ مجھے ذوق خود نمائی دے
جو دینا ہے مجھے توفیق پارسائی دے
ملے جو بیٹا تو اکبر سا جاں نثار ملے
جو بھائی دے مجھے عباس جیسا بھائی دے
بھٹک رہا ہوں میں اک برگ خشک کی مانند
خدا کسی کو نہ مجھ جیسی بے نوائی دے
مری نگاہ میں جلوے ترے سمٹ آئیں
جہاں میں جاؤں وہیں تو ہی تو دکھائی دے
تری رضا کی ہے خواہش قدم قدم پہ مجھے
جو چاہتے ہیں خدائی انہیں خدائی دے
mire khuda na mujhe zauq-e-khud numai de
jo dena hai mujhe taufiq parsai de
mile jo beta to akbar sa jan nisar mile
jo bhai de mujhe abbas jaisa bhai de
bhatak raha hun main ik barg-e-khushk ki manind
khuda kisi ko na mujh jaisi be nawai de
miri nigah mein jalwe tire simat aen
jahan mein jaun wahin tu hi to dikhai de
tiri raza ki hai khwahish qadam qadam pe mujhe
jo chahte hain khudai unhen khudai de