کوئی باہر سے کوئی اندر اندر ٹوٹ جاتا ہے

کوئی باہر سے کوئی اندر اندر ٹوٹ جاتا ہے

جب انساں آتا ہے گردش کی زد پر ٹوٹ جاتا ہے

اگر میں مٹ گیا حالات سے تو اس میں حیرت کیا

مسلسل چوٹ پڑتی ہے تو پتھر ٹوٹ جاتا ہے

سحر کے وقت جب سورج نکلنا چاہتا ہے تو

فلک کی گود میں تاروں کا لشکر ٹوٹ جاتا ہے

نہیں ہے بد نصیبی یہ تو اس کو کیا کہا جائے

بھلا لگتا ہے جو آنکھوں کو منظر ٹوٹ جاتا ہے

خوشی کا دور آئے گا لیے ہیں خواب آنکھوں میں

مگر کیا کیجئے یہ خواب اکثر ٹوٹ جاتا ہے

koi bahar se koi andar andar tut jata hai

jab insan ata hai gardish ki zad par tut jata hai

agar main mit gaya halat se to is mein hairat kya

musalsal chot parti hai to patthar tut jata hai

sahar ke waqt jab suraj nikalna chahta hai tu

falak ki god mein taron ka lashkar tut jata hai

nahin hai bad nasibi ye to us ko kya kaha jae

bhala lagta hai jo ankhon ko manzar tut jata hai

khushi ka daur aega liye hain khwab ankhon mein

magar kya kijiye ye khwab aksar tut jata hai