اپنے شب یاروں سے کس طرح میں غافل ہو جاؤں

اپنے شب یاروں سے کس طرح میں غافل ہو جاؤں

آسماں جاگ رہا ہے تو میں کیسے سو جاؤں

دل بدر میں بھی ہوں اور تو بھی ہے معزول نظر

تو اجازت دے اگر مجھ کو میں تیرا ہو جاؤں

وقت نے اتنے بدلوائے ہیں چہرے مجھ سے

خوف ہے بھیڑ میں ان کی نہ کسی دن کھو جاؤں

جہل کی بانجھ زمینوں میں نہ اگ پاؤں گا

علم پرور ہو زمیں کوئی تو خود کو بو جاؤں

ابر غم دل کا برس جائے تو اس پانی سے

داغ دھبے ہیں جو آنکھوں میں انہیں بھی دھو جاؤں

apne shab yaron se kis tarah main ghafil ho jaun

asman jag raha hai to main kaise so jaun

dil badar mein bhi hun aur tu bhi hai maazul nazar

tu ijazat de agar mujh ko main tera ho jaun

waqt ne itne badalwae hain chehre mujh se

khauf hai bhir mein un ki na kisi din kho jaun

jahl ki banjh zaminon mein na ug paunga

ilm parwar ho zamin koi to khud ko bu jaun

abr-e-gham dil ka baras jae to is pani se

dagh dhabbe hain jo ankhon mein unhen bhi dho jaun