جو اصل ہے میری وہی پوشاک پہن لوں

جو اصل ہے میری وہی پوشاک پہن لوں

سب کھیل ہوئے ختم چلوں خاک پہن لوں

ہو جاؤں گا اس منظر گلشن میں کہیں ضم

گل رنگ کوئی کرتا صد چاک پہن لوں

غم ناکوں میں ہنستا ہوا اچھا نہ لگوں گا

ٹھہرو میں کوئی چہرۂ غم ناک پہن لوں

اس نرم بیانی کو مری کون سنے گا

آواز پہ اک لہجۂ سفاک پہن لوں

جانا ہے در عقل پہ دیوانگی چھوڑوں

کچھ دیر کو پھر خرقۂ ادراک پہن لوں

jo asl hai meri wahi poshak pahan lun

sab khel hue khatm chalun khak pahan lun

ho jaunga is manzar gulshan mein kahin zam

gul rang koi karta sad chak pahan lun

gham nakon mein hansta hua achchha na lagunga

thahro mein koi chehra-e-gham nak pahan lun

is narm bayani ko miri kaun sunega

awaz pe ik lahja-e-saffak pahan lun

jana hai dar aql pe diwangi chhorun

kuchh der ko phir khirqa-e-idrak pahan lun