آج کا جو کام تھا کل پر اٹھا کر رکھ دیا

آج کا جو کام تھا کل پر اٹھا کر رکھ دیا

میں نے یوں ہر قیمتی موقع گنوا کر رکھ دیا

جس طرف بھی دیکھیے بس جوکروں کی بھیڑ ہے

آپ نے تو ملک کو سرکس بنا کر رکھ دیا

لڑ رہا تھا ظلمت شب سے اکیلا اک چراغ

سر پھری آندھی نے اس کو بھی بجھا کر رکھ دیا

کیسے ہوگی سرخ رو دنیا میں آخر ایسی قوم

جس نے احکام الٰہی کو بھلا کر رکھ دیا

کیوں میں تیرے عشق کا ہر سو ڈھنڈورا پیٹتا

قیمتی سامان تھا دل میں چھپا کر رکھ دیا

آ رہے ہیں اب وہ اقرار محبت کے لئے

دوستوں نے جب مجھے نہلا دھلا کر رکھ دیا

پیٹ کی خاطر کسی نے بیچ ڈالی آبرو

آج اس منظر نے تابشؔ کو ہلا کر رکھ دیا

aj ka jo kam tha kal par utha kar rakh diya

main ne yun har qimti mauqaa ganwa kar rakh diya

jis taraf bhi dekhiye bas jokaron ki bhir hai

ap ne to mulk ko sarkas bana kar rakh diya

lar raha tha zulmat-e-shab se akela ik charagh

sar phiri andhi ne us ko bhi bujha kar rakh diya

kaise hogi surkh ru duniya mein akhir aisi qaum

jis ne ahkam-e-ilahi ko bhula kar rakh diya

kyun main tere ishq ka har su dhandora pitta

qimti saman tha dil mein chhupa kar rakh diya

a rahe hain ab wo iqrar-e-mohabbat ke liye

doston ne jab mujhe nahla dhula kar rakh diya

pet ki khatir kisi ne bech dali abru

aj is manzar ne tabish ko hila kar rakh diya