ناکام ولولوں کو لیے بھاگتے رہے

ناکام ولولوں کو لیے بھاگتے رہے

ہم سر پہ دلدلوں کو لئے بھاگتے رہے

نادیدہ منزلوں کی طرف ہم تمام عمر

حاجت کے قافلوں کو لیے بھاگتے رہے

وہ خوف تھا کہ درد کا احساس ہی نہ تھا

تلووں میں آبلوں کو لیے بھاگتے رہے

فرصت کہاں تھی دفن کریں میتوں کو ہم

بس مردہ حوصلوں کو لیے بھاگتے رہے

چھوڑا نہیں انہیں انہیں حل بھی نہیں کیا

ہم صرف مسئلوں کو لیے بھاگتے رہے

پہلے تمام شہروں کو جنگل صفت کیا

پھر سر پہ جنگلوں کو لیے بھاگتے رہے

nakam walwalon ko liye bhagte rahe

ham sar pe daldalon ko liye bhagte rahe

nadida manzilon ki taraf ham tamam umr

hajat ke qafilon ko liye bhagte rahe

wo khauf tha ke dard ka ehsas hi na tha

talwon mein ablon ko liye bhagte rahe

fursat kahan thi dafn karen mayyaton ko ham

bas murda hauslon ko liye bhagte rahe

chhora nahin unhen unhen hal bhi nahin kiya

ham sirf masalon ko liye bhagte rahe

pahle tamam shahron ko jangal sifat kya

phir sar pe jangalon ko liye bhagte rahe