سو تک گنتی بیس پہاڑے کام آئے

سو تک گنتی بیس پہاڑے کام آئے

ساری دولت میں یہ سکے کام آئے

اتنے چہرے جیب میں رکھے پھرتے تھے

وقت پڑے پر کتنے چہرے کام آئے

تیری عیاشی تھی میری مجبوری

تو نے کپڑے پھینکے میرے کام آئے

جن کو چھت پر ڈال دیا تھا گرمی میں

سردی میں وہ دھوپ کے ٹکڑے کام آئے

آنکھوں نے ہی اس کو پالا پوسا ہے

شرم کے کب یہ چلمن پردے کام آئے

چھالوں کے پانی سے آخر پیاس بجھی

جنگل میں جنگل کے تحفے کام آئے

so tak ginti bis pahare kam ae

sari daulat mein ye sake kam ae

itne chehre jeb mein rakhe phirte the

waqt pare par kitne chehre kam ae

teri ayyashi thi meri majburi

tu ne kapre phenke mere kam ae

jin ko chhat par dal diya tha garmi mein

sardi mein wo dhup ke tukre kam ae

ankhon ne hi us ko pala posa hai

sharm ke kab ye chilman parde kam ae

chhalon ke pani se akhir pyas bujhi

jangal mein jangal ke tohfe kam ae