مجھ میں کتنا زہر ہے کولی بھر کر دیکھ

مجھ میں کتنا زہر ہے کولی بھر کر دیکھ

مرنا تو لازم ہے آج ہی مر کر دیکھ

میری مٹی کب سے قید ہے مجھ میں تو

اک دن باہر آ جا اور بکھر کر دیکھ

سولہ منزل کون چڑھے بتلانے کو

نیچے کیا ہے اپنے آپ اتر کر دیکھ

روز ڈراتا رہتا ہے تو لوگوں کو

اپنے آپ سے اک دن خود بھی ڈر کر دیکھ

مجھ کو پڑھنا آتا ہے میں پڑھ لوں گا

میرے دل پر بن کے نقش ابھر کر دیکھ

کوئی مشکل تلخ نہیں ہے پینے میں

ہر مشکل کو آسانی میں بھر کر دیکھ

میں آنکھوں کو آئینہ کر دیتا ہوں

ان کے آگے بیٹھ کے آج سنور کر دیکھ

mujh mein kitna zahr hai koli bhar kar dekh

marna to lazim hai aj hi mar kar dekh

meri mitti kab se qaid hai mujh mein to

ik din bahar a ja aur bikhar kar dekh

sola manzil kaun charhe batlane ko

niche kya hai apne ap utar kar dekh

roz darata rahta hai to logon ko

apne ap se ik din khud bhi dar kar dekh

mujh ko parhna ata hai main parh lunga

mere dil par ban ke naqsh ubhar kar dekh

koi mushkil talkh nahin hai pine mein

har mushkil ko asani mein bhar kar dekh

main ankhon ko aina kar deta hun

un ke age baith ke aj sanwar kar dekh