ظلمت کشی کا قصد کیا اور چل پڑے

ظلمت کشی کا قصد کیا اور چل پڑے

مٹھی میں جگنوؤں کو لیا اور چل پڑے

آتی رہے گی موت کو آنا جہاں پہ ہے

ہم نے تو اپنا زہر پیا اور چل پڑے

صحرا سے شہر آنے میں اور اہتمام کیا

دامن کا اپنے چاک سیا اور چل پڑے

ہم سے بدن بدوشوں کا رخت سفر کہاں

بس اپنا خاکدان لیا اور چل پڑے

عجلت تھی ہم کو چاند کا کیا کرتے انتظار

آنکھوں کو شب چراغ کیا اور چل پڑے

zulmat kashi ka qasd kiya aur chal pare

mutthi mein jugnuon ko liya aur chal pare

ati rahegi maut ko ana jahan pe hai

ham ne to apna zahr piya aur chal pare

sahra se shahr ane mein aur ehtimam kya

daman ka apne chak siya aur chal pare

ham se badan badoshon ka rakht-e-safar kahan

bas apna khakdan liya aur chal pare

ujlat thi ham ko chand ka kya karte intizar

ankhon ko shab charagh kiya aur chal pare