ہم شہر نطق کے تھے وہیں کے نہیں رہے

ہم شہر نطق کے تھے وہیں کے نہیں رہے

وہ چپ لگی ہمیں کہ کہیں کے نہیں رہے

ہم خواب دیکھتے تھے بہت آسمان کے

آخر میں یہ ہوا کہ زمیں کے نہیں رہے

ہم میں تھے جانے کون سے کانٹے اگے ہوئے

سب کے رہے ہیں آپ ہمیں کے نہیں رہے

دل کو جھکا کے دل سے ادا کر دئے گئے

سجدے رہین صرف جبیں کے نہیں رہے

دو چار لوگ میرے ہوں میرے لئے بہت

سو فیصدی تو عرش نشیں کے نہیں رہے

ham shahr nutq ke the wahin ke nahin rahe

wo chup lagi hamen ke kahin ke nahin rahe

ham khwab dekhte the bahut asman ke

akhir mein ye hua ke zamin ke nahin rahe

ham mein the jane kaun se kante uge hue

sab ke rahe hain ap hamen ke nahin rahe

dil ko jhuka ke dil se ada kar diye gae

sajde rahin-e-sirf jabin ke nahin rahe

do char log mere hun mere liye bahut

so fisadi to arsh nashin ke nahin rahe