گیسوئے ہوش و متانت کو بکھرنے نہ دیا

گیسوئے ہوش و متانت کو بکھرنے نہ دیا

میں نے چاہت کو کبھی حد سے گزرنے نہ دیا

در بہ در مجھ کو لئے پھرتی رہی فکر معاش

دو گھڑی چین سے اک در پہ ٹھہرنے نہ دیا

بس اسی ڈر سے کہ حرف آئے نہ تجھ پر ہم نے

تیری تصویر کو آنکھوں میں ابھرنے نہ دیا

خود کبھی تم نے بھلائی کا کیا کام نہ کچھ

اس پہ یہ ظلم کہ اوروں کو بھی کرنے نہ دیا

راہ میں کتنے ہی خوش رنگ نظارے تھے مگر

مجھ کو منزل کی تمنا نے ٹھہرنے نہ دیا

زندہ رکھا ہے ہر اک دور میں بے شک تابشؔ

ایک فنکار کو فن نے کبھی مرنے نہ دیا

gesu-e-hosh-o-matanat ko bikharne na diya

main ne chahat ko kabhi had se guzarne na diya

dar ba dar mujh ko liye phirti rahi fikr-e-maash

do ghari chain se ik dar pe thaharne na diya

bas isi dar se ke harf ae na tujh par ham ne

teri taswir ko ankhon mein ubharne na diya

khud kabhi tum ne bhalai ka kiya kam na kuchh

us pe ye zulm ke auron ko bhi karne na diya

rah mein kitne hi khush rang nazare the magar

mujh ko manzil ki tamanna ne thaharne na diya

zinda rakha hai har ik daur mein be shak tabish

ek fankar ko fan ne kabhi marne na diya