نصیب اب کے خوشی بے حساب لے آیا

نصیب اب کے خوشی بے حساب لے آیا

چراغ لینے گیا آفتاب لے آیا

ابھی جلا کے اٹھا ہوں پرانے خوابوں کو

وہ میرے واسطے پھر تازہ خواب لے آیا

پھر آج بھاؤ سمندر کا آسمان پہ تھا

پھر آج اپنے لئے میں سراب لے آیا

فسردہ دیکھ کے اس کو بہت پشیماں ہوں

میں ریگزار میں کیوں اک گلاب لے آیا

تجھے تو ہاں یا نہیں میں جواب دینا تھا

جواب میں تو مکمل کتاب لے آیا

ابھی چلا ہی تھا دل اک گناہ کرنے کو

کہ ذہن جا کے خیال عذاب لے آیا

nasib ab ke khushi be hisab le aya

charagh lene gaya aftab le aya

abhi jala ke utha hun purane khwabon ko

wo mere waste phir taza khwab le aya

phir aj bhao samundar ka asman pe tha

phir aj apne liye main sarab le aya

fasurda dekh ke us ko bahut pasheman hun

main regzar mein kyun ik gulab le aya

tujhe to han ya nahin main jawab dena tha

jawab mein to mukammal kitab le aya

abhi chala hi tha dil ik gunah karne ko

ke zehn ja ke khayal azab le aya