حصول مقصد میں آخرش یوں رہے گی قسمت دخیل کب تک

حصول مقصد میں آخرش یوں رہے گی قسمت دخیل کب تک

تم اپنی ناکامیوں پہ دو گے مقدروں کی دلیل کب تک

سمندروں کی ریاستوں کو لٹا کے آوارہ پھرنے والو

اب ایک قطرہ کی منتوں سے کرو گے خود کو ذلیل کب تک

تو مرد مومن ہے اپنی منزل کو آسمانوں پہ دیکھ ناداں

کہ راہ ظلمت میں ساتھ دے گا کوئی چراغ علیل کب تک

جلال رفتہ کو بھول بھی جا ضرورت حال پر نظر کر

رکھے گا چولھے کی آگ ٹھنڈی پئے وقار قبیل کب تک

درازئ قد سے آدمی کو نصیب ہوتی نہیں بلندی

تجھے فریب فراز دے گی یہ کجکلاہ طویل کب تک

husul-e-maqsad mein akhirash yun rahegi qismat dakhil kab tak

tum apni nakamiyon pe doge muqaddaron ki dalil kab tak

samundaron ki riyasaton ko luta ke awara phirne walo

ab ek qatra ki minnaton se karoge khud ko zalil kab tak

tu mard-e-momin hai apni manzil ko asmanon pe dekh nadan

ke rah-e-zulmat mein sath dega koi charagh-e-alil kab tak

jalal-e-rafta ko bhul bhi ja zarurat hal par nazar kar

rakhega chulhe ki ag thandi piye waqar-e-qabil kab tak

darazi-e-qad se admi ko nasib hoti nahin bulandi

tujhe fareb-e-faraz degi ye kajkulah tawil kab tak