ایک بجا ہے رات کا اب تو سونے دو

ایک بجا ہے رات کا اب تو سونے دو

موبائل بھی گرم ہے ٹھنڈا ہونے دو

آج تو پیاسے صبر کے گھر میں یکجا ہیں

دریاؤں کو آج اکیلا رونے دو

سوچ لو دل کو باہر چھوڑ کے آئے تو

ہم دو میں سے رہ جائیں گے پونے دو

آندھی نے جو بھر دی ہے ان آنکھوں میں

جانے کس کی گرد ہے آنکھیں دھونے دو

اس صوفہ پر لیٹ کے میں سو جاؤں گا

ان کے خواب کو بستر پر ہی سونے دو

ek baja hai rat ka ab to sone do

mobail bhi garm hai thanda hone do

aj to pyase sabr ke ghar mein yakja hain

dariyaon ko aj akela rone do

soch lo dil ko bahar chhor ke ae to

ham do mein se rah jaenge paune do

andhi ne jo bhar di hai in ankhon mein

jane kis ki gard hai ankhen dhone do

is sufa par let ke main so jaunga

un ke khwab ko bistar par hi sone do