آ گیا جس کو بھی احساس کی وحشت پڑھنا

آ گیا جس کو بھی احساس کی وحشت پڑھنا

اس نے سیکھا ہی نہیں لفظ محبت پڑھنا

سالہا سال گزر جاتے ہیں پڑھتے پڑھتے

اتنا آسان کہاں درس صداقت پڑھنا

پہلے اس جسم سے ہر خوف کے خلیے کو نکال

تب کہیں آئے گا آداب بغاوت پڑھنا

میری فرصت ہی بناتی ہے خد و خال مرے

مجھ کو پڑھنا ہے تو پہلے مری فرصت پڑھنا

تیری عادت ہے ہر اک خواب بدن پر لکھنا

جانتا خوب ہوں میں بھی تری عادت پڑھنا

سر ہمارے کبھی سجدوں سے نہ اٹھتے ہرگز

ہم کو سچ مچ میں جو آتا تری رحمت پڑھنا

a gaya jis ko bhi ehsas ki wahshat parhna

us ne sikha hi nahin lafz-e-mohabbat parhna

salha sal guzar jate hain parhte parhte

itna asan kahan dars-e-sadaqat parhna

pahle is jism se har khauf ke khalye ko nikal

tab kahin aega adab-e-baghawat parhna

meri fursat hi banati hai khad-o-khal mire

mujh ko parhna hai to pahle miri fursat parhna

teri adat hai har ik khwab badan par likhna

janta khub hun main bhi tiri adat parhna

sar hamare kabhi sajdon se na uthte hargiz

ham ko sach much mein jo ata tiri rahmat parhna