شکریہ بیچ سفر آپ نے تنہا چھوڑا

شکریہ بیچ سفر آپ نے تنہا چھوڑا

اس طرح آپ نے مجھ سے مرا رشتہ جوڑا

شدت طیش سے کانپ اٹھی ہیں ساری شاخیں

جب بھی گلچیں نے کسی شاخ سے گل کو توڑا

اپنے اندر سے وہ اک دم نہ نکالے گا مجھے

مجھ کو آنکھوں سے وہ ٹپکائے گا تھوڑا تھوڑا

ہم نے تہذیب سے میخانے کا بدلا ہے نظام

ہم نے مے پھینکی نہ میخانے میں ساغر توڑا

دونوں خوش ہیں تو اب اس بات کا کیا ذکر کریں

کس نے رخ اپنا در یار سے پہلے موڑا

shukriya bich safar ap ne tanha chhora

is tarah ap ne mujh se mira rishta jora

shiddat-e-taish se kanp uthi hain sari shakhen

jab bhi gulchin ne kisi shakh se gul ko tora

apne andar se wo ik dam na nikalega mujhe

mujh ko ankhon se wo tapkaega thora thora

ham ne tahzib se maikhane ka badla hai nizam

ham ne mai phenki na maikhane mein saghar tora

donon khush hain to ab is bat ka kya zikr karen

kis ne rukh apna dar-e-yar se pahle mora