تھا ان کی طرح میں بھی آغاز میں سودائی

تھا ان کی طرح میں بھی آغاز میں سودائی

بڑھنے دو جنوں یاراں آ جائے گی دانائی

پھر دل کا تقاضہ ہے اس شوخ سے کچھ کہئے

پھر کوہ تمنا پر اک برق سی لہرائی

آئین زباں بندی جس عہد میں نافذ ہو

اس عہد میں خاموشی ہو جائے ہے گویائی

جب آگ لگی گھر میں تھا کون بجھانے کو

اب تک تو ملا ہم کو ہر شخص تماشائی

ہشیاری میں غفلت سی غفلت میں بھی ہشیاری

ہے تیرے قلندر میں اک شان شکیبائی

خاموش کھڑا تھا میں سب قتل کے درپئے تھے

جب غور سے دیکھا تو ان میں تھا مرا بھائی

دن بھر تو شکارے میں گھومے ہیں جناب شیخ

کہتے ہیں دھرا کیا ہے ہر سمت بجز کائی

tha un ki tarah main bhi aghaz mein saudai

barhne do junun yaran a jaegi danai

phir dil ka taqaza hai us shokh se kuchh kahiye

phir koh-e-tamanna par ik barq si lahrai

ain-e-zaban bandi jis ahd mein nafiz ho

is ahd mein khamoshi ho jae hai goyai

jab ag lagi ghar mein tha kaun bujhane ko

ab tak to mila ham ko har shakhs tamashai

hushyari mein ghaflat si ghaflat mein bhi hushyari

hai tere qalandar mein ik shan-e-shakebai

khamosh khara tha main sab qatl ke darpae the

jab ghaur se dekha to un mein tha mira bhai

din bhar to shakare mein ghume hain janab-e-shaikh

kahte hain dhara kya hai har samt bajuz kai