ہم اپنے آپ سے کرتے رہے بیاں تنہا

ہم اپنے آپ سے کرتے رہے بیاں تنہا

تمہاری بزم میں بیٹھے کہاں کہاں تنہا

تغیرات کے آسیب میں وجود مرا

اجاڑ بن میں ہو جیسے کوئی مکاں تنہا

یہ سوز و ساز کا پیکر یہ ہڈیوں کا نگر

جو آگ پائے تو چٹخے اٹھے دھواں

کہیں کسی کی سیاست نہ رنگ لائی ہو

بھرے چمن میں ہے کیوں آج باغباں تنہا

یہ بار عشق جسے آسماں اٹھا نہ سکا

اٹھائے پھرتا رہا ہوں میں ناتواں تنہا

تمہارے آنے کی آہٹ تو کب سے سنتا ہوں

چلے بھی آؤ مرے پاس مہرباں تنہا

ہمیں حریف رہے اور ہمیں حلیف ہوئے

ہمارے بعد ہوا میر کارواں تنہا

وہی تو دشمن جاں ہے اسی سے کیسے بچیں

وہ ایک شخص جو آیا تھا کل یہاں تنہا

یہی زمین تمدن کی رازدار رہی

یہی زمین اگلتی رہی دھواں تنہا

ham apne ap se karte rahe bayan tanha

tumhari bazm mein baithe kahan kahan tanha

taghayyurat ke aseb mein wajud mira

ujar ban mein ho jaise koi makan tanha

ye soz-o-saz ka paikar ye haddiyon ka nagar

jo ag pae to chatkhe uthe dhuan

kahin kisi ki siyasat na rang lai ho

bhare chaman mein hai kyun aj baghban tanha

ye bar ishq jise asman utha na saka

uthae phirta raha hun main natawan tanha

tumhare ane ki ahat to kab se sunta hun

chale bhi ao mire pas mehrban tanha

hamen harif rahe aur hamen halif hue

hamare baad hua mir-e-karwan tanha

wahi to dushman-e-jan hai usi se kaise bachen

wo ek shakhs jo aya tha kal yahan tanha

yahi zamin tamaddun ki razdar rahi

yahi zamin ugalti rahi dhuan tanha